«Учуутал сылынан» биллэһиллибит үөрэх сылыгар биһиги оскуолабыт СР Президенин 500000 солк. Гранынан нађараадаланныбыт. Бу Грант чэрчитинэн оскуолабыт директора Слепцова Колымана Александровна үс эдэр учуутал Слепцова Лена Александровна  информатика, география, Тырылгина Мария Александровна физика, Иванов Николай Васильевич химия, биология биир нэдиэлэђэ идэни үрдэтэр курска Дьокуускайга баран кэлэрбитин ситистэ. ҮөҮИҮ институтугар кураторбыт Пшенникова Анна Романовна  биһиги бөлөхпүтүн салайан илдьэ сырытта. Ол курдук бастаан физика, химия, биология, география, информатика, математика методистарын кытта үлэлэстибит. Элбэђи сүбэлэттибит, уруоктарга, БКЭ наадалаах, сөптөөх матырыйааллары, ыйынньыктары ыллыбыт. Дьокуускай куорат аныгы технологияны туһанар бастың оскуолаларыгар сырыттыбыт, учууталлары кытта билистибит, уруоктарга сырыттыбыт. Интерактивнай дуосканы туһаныы саңа ураты ньымаларын биллибит. Дьокуускайдаађы саха национальнай гимназиятыгар ҮөҮИҮ институтун физико-математическай кафедра доцена Харитонова Валентина Никитичнаны кытта сылдьан гимназия ис-тас оңоһуута, стендэлэрэ, медиатека-библиотеката, лабораториялара, кылаастара барыта сөхтөрдө. Валентина Никитична математикађа БКЭ саңа брошюролары, дискэлэри үлэбитигэр туһанарга биэрдэ. Валентина Никитична, Сыбаатайбыт оскуолатыгар улэлии сылдьыбыт Торохов Валерий Иванович уорэппит педагога буолан, биhиэхэ ураты итии сыhыана, ойобулэ, субэтэ-амата улэбитигэр эрэли биэрдэ.   

ҮөҮИҮ институтугар идэни үрдэтэргэ дистанционнай кэтэхтэн курска суруттаран анал сорудах ылан кэллибит.

Бу туһалаахтык, элбэђи билэн-көрөн кэлбиппитигэр эдэр учууталлары өйөөн биһигини ыыппыт оскуолабыт директорыгар Слепцова К.А. махталбытын тиэрдэбит. Маннык сылдьыы атын учууталлары кытта билсэн, билиибитин үрдэтэн, чиңэтэн, санаа атастаһан кэлбиппититтэн үөрэбит, үлэбитигэр туһаныахпыт диэн бигэ эрэллээхпит.

Сыбаатай орто оскуолатын учууталлара Слепцова Л.А., Тырылгина М.А., Иванов Н.В.