"УРАН ТЫЛ” КОНКУРС

Билиңңи  сайдыылаах үйэ5э  саха ыччата тѳрүт толкуйдаах, тоҕоостоох  түгэҥҥэ санаатын сааһылаан сайа этэр , ыраас ыпсарыылаах тыллаах-өстөөх буолуохтаах. Аныгы кэм о5ото  икки тылынан ,  оссо сатанар буолла5ына уhус, тордус омук тылын баhылааhына-уйэ ирдэбилэ.

Соторутаа5ыта биһиги оскуолабытыгар ийэ тыл нэдиэлэтигэр аналлаах  үгэс буолбут «Уран тыл» диэн тыл этиигэ күрэх буолан ааста. Ааспыт сылтан  уратыта быйыл кыттааччылар 3 тылынан: сахалыы, нууччалыы, английскайдыы- тыл этэн күрэхтэстилэр. ДЬүллүүр сүбэ үөрэнээччи сыыс тылы, түөлбэ тыллары туттубатын  уонна кумаа5ыттан тутулуга суох тыл этэрин сыаналаата. Алын кылаастарга быйыл омук тылын саҥардыы үөрэтэр 2 –с кылаас үөрэнээччитэ Тырылгин Гена

«Бастыҥ этээччи» аатын ылла. Кини  төрөөбүт тылын кэрэтин туһунан сахалыы, айыл5а кэрэтин нууччалыы , оттон дьиэ  кэргэнин туһунан английскайдыы тыл эттэ. Оттон Колесов Гоша (4кыл) уонна Борисов Спартак (3 кыл) 2-3 миэстэ5э тигистилэр.

Урдуку кылаастарга кыттааччы элбэх буолан күрэхтэһии тыҥааһыннаахтык барда. Сахалыы тылынан этэр  түһүмэххэ кыттааччылар табах , арыгы буортутун  туһунан, айыл5аны харыстыахтаахпытын, билиҥҥи кэмнэ омук тылын билэр наадалаа5ын  туһунан итэ5этиилээхтик  кэпсээтилэр. Төрөөбүт тылынан тыл этиигэ 1 миэстэ5э «Талааны сайыннарыахха» диэн ыҥыран эппит Колесова Айыы-Куо (5 кыл), 2-миэстэ5э Моссоенова Ася (7кыл), 3 миэстэ5э-Бережнова Күннэй (8 кыл) та5ыстылар.

Нууччалыы тыл этэр түһүмэххэ айыл5а харыстааҺын ытык иэспит буоларын туһунан этэн Моссоенова Ася(7кыл)-1 миэстэ5э, Колесова Айыы-Куо(5 кыл)-2миэстэ5э  та5ыста. Кини оскуола5а, атын общественнай сирдэргэ үөхсүү олус элбээбитин туһунан эппитин олус сэҥээрэ иһиттибит. Культурата намыһах, өйө кыра эрэ киһи  маннык тыллары туттарын өйдөттө. Оттон Гоголева Сахая (9 кыл) нуучча тылыгар омук тыллара олус үгүстүк өтөн киирэн эрэллэрин туһунан кэпсээн  3-миэстэ5э тигистэ.

Английскайдыы тылынан күрэххэ омук тылын билии  билиҥҥи олоххо наадатын туһунан кэпсээн 1-миэстэ5э Слепцова Яна (10 кыл),2миэстэ5э бэйэтин сөбүлүүр дьарыктарын туһунан иһитиннэрбит  Колесова Айыы-Куо (5 кыл) та5ыста,  Моссоенова Ася (7 кыл)айыл5а түөрт кэмин туһунан этэн-3 миэстэ5э тигистэ .Уопсай түмүккэ  «Уран тыл» күрэххэ үс тылынан  этии кыайыылаахтарынан очколара тэҥнэһэн Моссоенова Ася(7кыл) уонна Колесова Айыы-Куо (5кыл) «Бастыҥ этээччи» үрдүк аатын ыллылар. Учууталларбыт этэллэрин курдук, үөрэнээччилэр риторикаҕа сыллата маннык кыттыылара   билиилэрэ - көрүүлэрэ кэҥииригэр,  санаалара-толкуйдара дириҥииригэр, тылы муҥутуурдук баһылыылларыгар маҥнайгы үктэл буолуоҕа.